Home समाचार ६ महिनापछि आजबाट देशभरका विमानस्थलमा आन्तरिक उडान सुचारु

६ महिनापछि आजबाट देशभरका विमानस्थलमा आन्तरिक उडान सुचारु

काठमाडौं : कोरोना भाइरसका कारण बन्द भएको छ महिनापछि आजबाट देशभरका विमानस्थलमा आन्तरिक उडान सुरु भएको छ । सरकारले ११ चैतदेखि बन्द गरेको आन्तरिक उडान सरकारको निर्णय अनुसार आजवाट खुलेका हुन् ।

नेपाल नागरिक उड्यन प्राधिकरणका अनुसार आज ३८ देखि ४० वडा उडान हुनेगरी अनुमति दिइएको जनाएको छ । स्वास्थ्यका सबै मापदण्ड कडाइका साथ पालना होस् भनेर सामान्य अवस्थामा दैनिक रूपमा हुँदै आएका उडानको २५ प्रतिशत मात्र विमान सञ्चालनमा आउनेगरी अनुमति दिइएको प्राधिकरणले जनाएको छ ।

विमानस्थलमा एकपटकमा बढीमा ३ वटा उडानका यात्रुहरुलाई मात्र लैजाने गरी प्रवन्ध मिलाइएको छ । स्वास्थ्य मापदण्ड पुरा गर्न विमानस्थलमा भने सामान्य अवस्थामा भन्दा एकघन्टा अघि नै यात्रुहरु जानुपर्ने ब्यवस्था गरिएको छ ।

विमानस्थलभित्र कम्तीमा १ मिटरको भौतिक दूरी कायम गर्नुपर्ने व्यवस्था गरिएको छ । इ–टिकेटबाट मात्रै चेकइन हुनेछ । सबै यात्रुका लागि विमानस्थलमा दोहोरो तापक्रम चेकजाँच र स्यानिटाइजरको व्यवस्था गरिएको छ ।

सबै चल्तीका विमानस्थलहरू खुला गरिएको भए पनि विमान सेवाहरूले आफूले पाएको उडान कोटाको अनुपातमा त्यो कुन रूटमा कतिवटा उडान सञ्चालन गर्ने भन्ने निर्णय गर्नसक्ने ब्यवस्था प्राधिकरणले गरेको छ ।

LEAVE A REPLY

Please enter your comment!
Please enter your name here

Must Read

२४ घण्टामा थप १३५९ जना कोरोना संक्रमणमुक्त

काठमाडौँ- पछिल्लो २४ घण्टामा थप १३५९ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २...

पछिल्लो २४ घण्टामा ८९९ कोरोना संक्रमित थपिए

काठमाडौँ- नेपालमा पछिल्लो २४ घण्टामा थप ८९९ जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या २ लाख ४७...

पछिल्लो २४ घण्टामा थप १५ संक्रमितको मृत्यु

काठमाडौँ- नेपालमा पछिल्लो २४ घण्टामा थप १५ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।

पछिल्लो २४ घण्टामा थप ११ संक्रमितको मृत्यु

काठमाडौं- नेपालमा पछिल्लो २४ घण्टामा थप ११ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।

पछिल्लो २४ घण्टामा १०४४ कोरोना संक्रमित थपिए

काठमाडौँ- नेपालमा पछिल्लो २४ घण्टामा थप १०४४ जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या २ लाख ४६ हजार...
६ महिनापछि आजबाट देशभरका विमानस्थलमा आन्तरिक उडान सुचारु