काठमाडौं । नेपालमा बितेको २४ घण्टामा थप १ हजार ४ सय ४७ जना कोरोना संक्रमण मुक्त भएका छन् । त्यस्तै हालसम्म कुल ५३ हजार १३ जना कोरोना संक्रमण मुक्त भएका हुन् । यो कुल संक्रमितको ७३ दशमलव ८ प्रतिशत हो ।
त्यस्तै बितेको २४ घण्टामा नेपालमा थप १ हजार २०७ जनामा कोरोना भाइरस (कोभिड १९) संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार बितेको २४ घण्टामा देशका विभिन्न स्थानमा रहेका प्रयोगशालामा गरिएका १० हजार १९ नमूनाको आरटी पिसिआर परिक्षणका क्रममा थप १ हजार २०७ जनामा कोरोना संक्रमण पुष्टि भएको हो ।
